ولا تكتموا الشهاده ......

انا مش عايزه ارغي كتير واقول ده مهم وده مش مهم وده لازم نعمله وده مش لازم نعمله وده حاجه مهمه في حياتنا و ومش عارف ايه



ولا هتكلم عن الايجابيه والسلبيه واننا لازم نكون ايجابين

كل واحد بجد عاقل بالغ وحتي لو مش بالغ يعني عيل صغير هيقدر يفهم ويستوعب ان ده مهم وان دي حاجه لازم نعملها





بس الفكره احنا ليه مش راضين نعملها رغم اننا كبار اهو وفاهمين ؟؟؟





خايفين؟؟؟





مش شايفين في امل؟؟





مش مقتنعين ان كل واحد رغم انه فرد واحد يقدر يغير كتير ؟؟؟





مش عايزين نضيع وقت؟؟؟ في كلام فاضي؟؟





مش عايزين نتأذي ؟؟؟





مش عارفين اهميه الي بنعمله؟؟





طب هوه اه فعلا كل الي فات وكل واحد عارف هوه مش عايز كده ليه ؟؟ او رافض الفكره ليه؟؟





هيه ايه الفكره اساسا؟؟؟..............فكره تعبيرك عن رأيك؟؟ فكره الثقه بنفسك واعتبار انك شخص ليه حق انه يتكلم مش لو اتكلم هياخد علي قفاه فبيضطر يسكت او بمعني اصح .....يتخرس !!!





اه انا ليه الحق اني ارفض او اقبل اعمل حاجه ...وليا الحق اني ارفض او اقبل شخص معين ....وليا كامل الحق ان



اتعامل مع فلان او لا اتعامل معاه ..(طالما كل ده مش فيه معصيه لربنا )...محدش ليه الحق انه يفرض عليا حاجه ......عشان انا عندي مخخخخخخخخخخخ !!





ايه اهميه الانتخابات ؟؟؟

الناس بالانتخابات دي ممكن تقوم البلد وتموتها .... ممكن تعين ناس يساعدوهم ويهونوا عليهم مراره الحياه وناس تدفنهم احياء....كل واحده بره عارف انه صوته ليه لازمه وعارف امكانياته كويس اوي وعارف ان ده حقه



وبعدين والله دي حاجه بتحصل في البلد و المفروض عليا اني اشارك فيها طالما انا دعيت للمشاركه .....وانك دعيتي للمشاركه ده مش ان حد جه قالك تعالي ...لالا...... كون انه مفتوح باب التصويت علي حاجه .....وانتي شخص بالغ عاقل وعاقل وعاقل دي تحتيها مليون خط يبقي لازم اروح ادي رأي وهيه دي الدعوه واظن كلنا عاقلين .......





طب وانا مالي ؟؟





طب مهو ربنا سبحانه وتعالي بيقول في كتابه الكريم( ..... ولا يأب الشهداء اذا ما دعوا......)



البقره 282





اظن ان ده نهي واضح جداااا عن عدم الرفض لو دعيتي للشهاده في حاجه....صح كده





اوك.....طب انا مش عاايزه اروح .....اناعارفه ان مفيش حد مناسب مش مش هيفرق صوتي كتير





طب مهو ربنا سبحانه وتعالي رد عليكي بردوا في الايه الكريمه





(....ولا تكتموا الشهاده ومن يكتمها فانه آثم قلبه والله بما تعملون عليم ....)





في نفس السوره بردوا بعدها بايه ... اليقره 283

طب متروحي تقولي انك مش عايزه حد؟؟ طب متروحي تقولي انك مش شايفه حد يصلح للمهمه دي وتلغي صوتك .. ليه تخلي صوتك واحد من الف صوت

هيتزور ليه تتحاسبي علي كده ؟؟؟



الايتين دول كافين بالرد علي الي بيقول انا مش عايز اروح واروح ليه؟؟؟؟





نيجي بئا للي خايفين يروحوا عشان ممكن يحصلهم مشاكل او يتأذوا





طب مهو احنا لو فكرنا كل حاجه لو عملناها هنتأذي فيها مش هننزل من بيتنا ولا هنعمل حاجه





مهو لو نزلت ممكن اتخبط بالعربيه





مهو لو دخلت المطبخ ممكن البتجاز يهب فيا





مهو لو مسكت السكينه ممكن اعور ايدي





مهو لو دخلت الحمام ممكن اتزحلق





مهو لو نزلت عالسلم ممكن اقع رجلي تتكسر





مهو لو نزلت في الاسنسير ممكن يعطل بيا





مهو لو اكلت او شربت ممكن اشرق واموت





مهو لو رحت الانتخابات ممكن حد يضايقني





مش مختلفه كتير عن الي قبلها

بس احنا الي بنحس انها مش حاجه ضروريه

وبعدين مهو في كل الحالات احنا بنتأذي بس يمكن الواحد مش بيشوف الأذي الغير مباشر زي ما بيشوف الأذي المباشر





يعني اما حد يسرق فلوسك وفلوس اهلك بدافع انه رايح يتعالج علي نفقه الدوله وغيره مش لاقين يجيبوا اسبرين ابو ربع جنيه





واما انتي واهلك الي تضطري تدفعي ثمن فشله وخسارته ل 26 مليار جنيه





واما انتي واهلك تضطري تدفي ثمن ارض هوه اشتترااها بابخس الاسعار





واما انتي واهلك الاكل يغلي عليكوا و





واما التعليم عايزين يخلوه بفلوس هوه احنا بطلنا ندفع وهوه مجاني ومدعم اما عايزين يخلوه بفلوس؟؟؟





هوه كل ده مش اذي؟؟؟





اظن لو في اذي جسدي اهون كتير من كده ؟؟؟

وربنا سبحانه وتعالي قال في كتابه الكريم ....سوره البقره بردوا !!!...( ام حسبتم ان تدخلو الجنه ولما يأتكم مثل الذين خلوا من قبلكم مستهم البأساء والضراء وزلزلوا حتي يقول الرسول والذين امنوا معه متي نصر الله الا ان نصر الله قريب



زلزلو ده معناها ......ازعجوا ازعاجا شديدا !!!!)

وبعدين مهو في حديث







حديث ابن عمر –رضي الله عنهما-قال رسولنا الكريم "المؤمن الذي يخالط الناس ويصبر على أذاهم خير من المؤمن الذي لا يخالط الناس ولا يصبر على أذاهم"، والحديث رواه الترمذي(2507)، وابن ماجة(4032) من حديث ابن عمر –رضي الله عنهما







مش صوتي انا الي هيغير ؟؟؟





لا مش انتي لوحدك الي بتقولي كده ؟؟؟ لو 70 مليون شخص قال كده واحنا بلد فيها 85 مليون اظم ان كده الصوت هيفرق كده





دي حقيقه فعلا ان الي بيشارك بشكل فعلي في الانتخابات هما بس 15 مليون من اصل 85 مليون





ايه الفايده بئا ؟؟؟؟؟؟





- شوفي بئا ايه مهام مجلس الشعب .... وشوفي ايه فايده صوتك ؟؟؟





مجلس الشعب هو برلمان مصر الذى يتولى سلتطى التشريع والرقابة وأعضاؤه هم ممثلوا الأمة المعبرون عن ارادتها .وطبقا لنص الدستور : فان مجلس الشعب يتولى سلطة التشريع ويقر السياسة العامة للدولة والخطة العامة للتنمية الاقتصادية والاجتماعية والموازنة العامة للدولة كما يمارس الرقابة على اعمال السلطة التنفيذية .وقد وضع الدستور مجموعة من الضمانات والحصانات لاعضاء مجلس الشعب حتى يتسنى لهم القيام بواجبتهم على النحو المقرر منها "لا يؤاخذ اعضاء مجلس الشعب عما يبدونة من الافكار واراء فى أداء أعمالهم فى المجلس او فى لجانة " ، ان المجلس هو الذى يقبل استقالة أعضائة ويقرر اسقاط العضوية عن اعضائة .اولا : التشريعهو الاختصاص الأساسى لمجلس الشعب وقد نص الدستور على أنه لرئيس الجمهورية ولكل عضو من اعضاء مجلس الشعب حق اقتراح القوانين ، ويناقش المجلس مشروعات القوانين فى مداولة واحدة ومع ذلك تجوز ان تجرى مداولة ثانية طبقا لحكام اللائحة الداخلية للمجلس .وتبدأ المداولة بمناقشة المبادئ والأسس العامة للمشروع اجمالا فاذا لم يوافق المجلس على المشروع من حيث المبدأ عد ذلك رفضا له .و ينتقل المجلس بعد الموافقة على المشروع من حيث المبدأ الى مناقشة مواده مادة مادة ويؤخذ الرأى فى كل مادة على حدة ثم يؤخذ الرأى على المشروع القانون فى مجموعة.ولرئيس الجمهورية حق اصدار القوانين او الاعتراض عليها فاذا اعترض رئيس الجمهورية على مشروع قانون أقرة مجلس الشعب رده اليه خلال ثلاثين يوما من تاريخ ابلاغ المجلس اياه فاذا لم يرد مشروع القانون فى هذا الميعاد اعتبر قانونا وأصدر و اذا رد فى الميعاد المتقدم الى المجلس وأقره ثانية بأغلبية ثلثى اعضائة اعتبر قانونا واصدر .كما اعطى الدستور الحق لرئيس الجمهورية فى اصدار قرارات لها قوة القانون فى غيبة مجلس الشعب ويجب عرض هذه القرارات بقوانين على المجلس خلال خمسة عشرة يوما اذا كان المجلس قائما او فى اول اجتماع للمجلس فى حالة الحل او وقف جلساته .كما نص الدستور على ضرورة موافقة مجلس الشعب على معاهدات الصلح والتحالف والتجارة والملاحة وجميع المعاهدات التى يترتب عليها تعديل فى اراضى الدولة او تحمل خزانة الدولة شيئا من النفقات غير الواردة فى الموازنة .ثانيا : الرقابةيقوم النظام السياسى المصرى على أساس فكرة التوازن بين السلطات ويمارس مجلس الشعب رقابته على اعمال الحكومة استنادا إلى ما قرره الدستور من مسئولية الوزراء أمامه مسئولية تضامنية وفردية.وتتمثل أساليب الرقابة المقررة لمجلس الشعب فى السؤال وطلب الاحاطة والاستجواب وطلب المناقشة العامة والاقتراح برغبة أو بقرار ولجان تقصى الحقائق ولجان الاستطلاع والمواجهة والعرائض والشكاوى وسحب الثقة وتقرير مسئولية رئيس مجلس الوزراء ومتابعة المجلس لشئون الادارة المحلية .اما بالنسبة للمسئولية الجنائية فقد خول الدستور المجلس حق توجية الاتهام الجنائى لرئيس الجمهورية بناء على اقتراح مقدم من ثلث اعضائة على الاقل ويصدر قرار الاتهام بموافقة ثلثى اعضاء المجلس . كما خوله ايضا حق احالة الوزراء الى المحاكمة عما يقع منهم من جرائم اثناء تأدية أعمال وظيفتهم أو بسببهاوزادت التعديلات الدستورية فى مارس 2007 من سلطات المجلس فى الرقابة على السلطة التنفيذية سواء رئيس الجمهورية او الوزراء فتم تعديل المواد (85-127 – 133- 136) مما يقوى الدور الرقابى لمجلس الشعب .ثالثا : إقرار الخطة والموازنةنص الدستور بعد التعديلات الدستورية فى مارس 2007 على اختصاص مجلس الشعب باقرار الخطة العامة للتنمية الاقتصادية والاجتماعية والموازنة العامة للدولة وعلى ضرورة عرض مشروع الموازن العامة على مجلس الشعب قبل ثلاثة أشهر على الأقل من بدء السنة المالية، ولا تعتبر نافذة إلا بموافقته عليها. ويتم التصويت على مشروع الموازنة بابا بابا. ويجوز لمجلس الشعب أن يعدل النفقات الواردة فـى مشروع الموازنة، عدا التى ترد تنفـيذا لالتزام محدد على الدولة، وإذا ترتب على التعديل زيادة فـى إجمالى النفقات وجب أن يتفق المجلس مع الحكومة على تدبير مصادر للإيرادات بما يحقق إعادة التوازن بينها وبين النفقات. وتصدر الموازنة بقانون يجوز أن يتضمن تعديلا فـى أى قانون قائم بالقدر اللازم لتحقيق هذا التوازن، وإذا لم يتم اعتماد الموازنة الجديدة قبل بدء السنة المالية عمل بالموازنة القديمة لحين اعتمادها. ويحدد القانون طريقة إعداد الموازنة، كما يحدد السنة المالية.كما اوجب الدستور عرض الحساب الختامى لميزانية الدولة على مجلس الشعب مدة لا تزيد على ستة أشهر من تاريخ انتهاء السنة المالية، ويتم التصويت عليه بابا بابا، ويصدر بقانون. كما يجب عرض التقرير السنوى للجهاز المركزى للمحاسبات وملاحظاته على مجلس الشعب. وللمجلس أن يطلب من الجهاز المركزى للمحاسبات أية بيانات أو تقارير أخرى.رابعا- تعديل الدستوريحق لكل من رئيس الجمهورية ومجلس الشعب طلب تعديل مادة أو أكثر من مواد الدستور وإذا كان الطلب صادرا من مجلس الشعب وجب أن يكون موقعا من ثلث أعضاء المجلس علي الأقل وإذا وافق مجلس الشعب علي مبدأ التعديل يناقش بعد شهرين من تاريخ هذه الموافقة المواد المطلوب تعديلها وإذا وافق علي التعديل ثلثا عدد أعضاء المجلس عرض علي الشعب لاستفتائه في شانه فإذا وافق علي التعديل اعتبر نافذا من تاريخ إعلان نتيجة الاستفتاء .خامسا- إقرار إعلان حالتي الحرب والطوارئتكون موافقة مجلس الشعب علي إعلان الحرب في جلسة سرية عاجلة يعقدها المجلس بناء علي طلب رئيس الجمهورية وفيما يتعلق بحالة الطوارئ فيخطر رئيس الوزراء رئيس المجلس بقرار إعلان حالة الطوارئ مشفوعا ببيان عن الأسباب والمبررات التي دعت إلي ذلك ويعرض رئيس المجلس قرار رئيس الجمهورية بإعلان حالة الطوارئ أو مدها علي المجلس في جلسة عاجلة يعقدها لهذا الغرض خلال أربع وعشرين ساعة من إخطاره ولرئيس الجمهورية أو من ينيبه الإدلاء ببيان عن الأسباب والظروف التي أدت إلي هذا الإعلان ويحيل المجلس بيان رئيس الجمهورية أو رئيس مجلس الوزراء إلي اللجنة العامة لدراسته وتقديم تقرير عنه إلي المجلس متضمنا رأيهما في توافر الأسباب التي أدت إلي صدور إعلان حال الطوارئ











لو اقتنعتي ..... اقولك بئا الانتجابات دي نظامها ايه





اولا : في مجلس الشعب والشوري والمحليات والرئاسه





مجلس الشعب الي هيه الانتخابات الي جايه دي





بتكون دوره كل 5 سنين المخافظه بتتقسم دواير واقسام لازم تنتخبي واحد فئات وواحد عمال





وحاليا نزلوا مقعد للسيدات اسمه كوته المرأه دي مخصص لسيدات





المكان الي بنتخب فيه غالبا بيكون حسب انتي متوزعه فين ده بتعرفيه من بطاقتك الانتخابيه بيكونا كاتبين المكان الي هتنتخبي فيه ورقمك الانتخابي





بتدخلي المكان وانتي والصندوق وربنا شاهد عليكي .... بس كده ده باختصار شديد





الي مش معاه بطاقه انتخابيه ممكن يروح بالبطاقه الشخصيه اظن من مواليد 87 الي 94





اخر حاجه هكتبها فتوي الدكتور يوسف القرضاوي في موضوع الانتخابات





انا نقلت ته منها من الموقع بتاعه





لان مش هعرف انزل الفيديو





وقال الشيخ القرضاوى: "أدعو الناخبين في كافة الدوائر أن يدفعوا بكلمة الحق من خلال اختيار المرشح الصالح الذي تنتفع الأمة بعلمه وشجاعته وخبرته".ووضع الشيخ القرضاوي الإدلاء بالصوت الانتخابي موضع الشهادة، وأضاف أنه "لا يجوز للناس التخلف عن الإدلاء بأصواتهم من باب انعدام الفائدة، فهناك فائدة حقيقة لو أصر الناس علي الإصلاح من خلال الذهاب بكثافة لصناديق الاقتراع بنسبة 99% أو حتى 90% فلن تستطيع الدولة التزوير".وأوضح أن "الذي يجعلها قادرة علي القيام بعمليات التزوير هو عزوف الناس عن الإدلاء بأصواتهم مما يجعل أمامها الفرصة سانحة لتسويد الأوراق الانتخابية الفارغة (...) لذلك أدعو الناخبين للذهاب بكثافة لصناديق الاقتراع والتصويت لصالح أي مرشح يراه الناس من وجهة نظرهم صالحا ويحقق مصالحهم فعليهم انتخابه حتى لا ينطبق عليهم قوله تعالي قوله "لا تكتموا الشهادة ومن يكتموها فإنه آثم قلبه والله بما تعملون عليم".وتابع الشيخ القرضاوي: "التخلف معناه إعطاء الفرصة للتزوير.. صحيح أن في سبيل ذلك عقبات من بلطجة ومنع قوات الأمن الوصول لصناديق الاقتراع ولكن لابد وأن تتعلم الأمة كيفية اقتحام المخاطر من أجل حقوقها".وقال موجها حديثه للناخبين: "أدعو كل المواطنين أن يقفوا مع المرشحات أكثر لأن المرأة في هذا المجتمع أضعف والضعيف يحتاج إلي من يقويه".





خلاص خلصت .......اخر كلمه هقولها بس وسامحوني فيها





في غلابه بيدفعوا ثمن صوتنا من اللقمه الي بيقسموها علي خمسه في غلابيه بيدفعوا ثمن صوتنا من غطاهم الي في عز البرد مش بيلاقوه في ناس بيموتوا بيدفعوا ثمن صوتنا و سكوتنا من قرص الدوا ولا الحقنه الي مش لاقين يجيبوها والي البلد بتطلع عينهم عشان تديهالهم في غلابيه بيدفعوا ثمن صوتنا وسكوتنا بيتداسوا بالقطر وبيغرقوا في العبارات وبياسمموا من الاكل الفاسد وبيموتوا من الدم الملوث الي بيتنقلهم في غلابه بئا بيدفعوا ثمن صوتنا وسكوتنا بوقفتهم علي صندوق الزباله يلموا الاكل الي هياكلو وده شفته بيعني للاسف سامحوني لو كام كلامي في رخامه او اسلوبه شديد