السبت، 22 نوفمبر 2008

الحب الاول





من هو الحب الاول؟


هل هو اول شخص تقع عليه عينك وتعجب به؟


هل هوه اول شخص يدق له قلبك؟


هل هو اول شخص يراك جميلا؟


في بعض الاحيان قد يتخيل البعض بقصر تظره وسذاجه تفكيره انه قد وجد حبه الحقيقي


وانه ربما يفقد حياته بدونه ...بل ويتخيل ان هذا الشخص هوه كل ما لديه بل هو الوحيد الذي يحبه في الحياه


بل ولن يجد سواه....ربما لانعدام ثقته بنفسه....ربما لقله تجاربه.....ربما لعدم اداركه مقداره عند من حوله


اهله ...اصدقائه...


ولكن بعد ان تنضح مشاعره ...وتتسع افاقه ...وتتغير نظرته لنفسه ...بل ونظرته لكل من حوله


بل ويتغير ايضا المنظور الذي يحكم به علي الاشخاص


ربما يدرك حينها انه فقط ......كان مراهقا


ليس الحب الاول هو اول شخص يدق له القلب فقط....


ولكنه الشخص الوحيد الذي تتمني ان يظل دائما بجانبك ......يحميك حتي من نفسك


هو الشخص الوحيد الذي تتمني تقضي اسعد اوقات حياتك معه ....بل واتعسها لانك تعلم انه سيبهجك


هو الشخص الوحيد ....الذي يراك جميلا حتي وان لم تكن...بل ويجعلك تري نفسك الاجمل


هو الشخص الوحيد ....الذي لن نتزعج ابدا ان احرجت امامه ....لانه لن يسخر منك ...بل سيدافع عنك


**الحب الاول هو الشخص الوحيد الذي يجتمع القلب والعقل علي حبه في نفس الوقت**

هناك 27 تعليقًا:

نـــــور يقول...

ازيك ياحبيبى
بصى هو فعلا الحب الاول ممكن يكون كل اللى انت بتقولى عليه ده كله وللاسف مراهقه بقى ولا مش مراهقه هو اول دقه قلب واول سرحان واول نظرات من بعيد لبعيد
جايز بتكون فى فتره المراهقه وبعدها بيتوجد الحب الناضج
وده بصراحه بيبق من حسن حظ اللى يحب اول مره فى المراهقه لانه لما بيضيع بننسى وبنعيش حياتنا عادى
لكن بقى فتره الحب الناضج اللى مابعد المراهقه لما بيكون فيها الحب الاول بتبقى مصيبه وداهيه سوده لانه ببقى حب ناضج وفى نفس الوقت اول دقت قلب فلما يضيع نضيع معاه

هو احاس لذيذ لكن لو يكمل صح
ربنا يحفظك من كل شر ياحبيبتى
وبطلى لعل وقومى ذاكرى p:

الفارس الملثم يقول...

انا اتفق معاكي في كتير من اللي قلتيه , بس هو الحب الاول قد يكون حب وقد يكون وهم كبير ,لكن ايا كان فدايما يحمل نكهه وطعم خاص يميزه عن اي حب نمر بيه , وردود فعل القلوب تجاه الحب الاول متغير من لقلب لقلب , فقد يعتبره قلب مجرد لعب عيال واحلام مراهقه وقد يعتبره قلب اخر هو الحب الاول والاخير حتي لو فشل فيظل ماسورا لسجن احساسه به

علي اي حال الحب اجمل احساس في الدنيا لكن علي ان يكون حب متبادل ومع شخص يستحق حبنا هذا

تحياتي

aya يقول...

حبيبه
*********
الحمد لله انا ككويسه وبزاكر بس عدي اجازه يومين
لا انا قصدي الحب الاول مش الحب الي بيبقي في المراهقه ولا اي مرحله تانيه مش قصدي اول دقه قلب لا انا قصدي اول حب حقيقي اول انسان القلب والعقل يتفقوا انه هو ده وينتهي بانهم يكونوا مع بعض للابد
ده المعني الي اقصده من الحب الاول
مش حب المراهقه او اي قصه حب فاشله لاني بعتبرها اصلا مكانتش حب ...كانت لعب عيال حتي لومكانوش عيال

aya يقول...

الفارس الملثم
***************
بردوا ردي علي تعلقيك هيون غالبا زي ردي علي حبيبه انا اقصد بالحب الاول الي هوه اول حب حقيقي بينتهي بالزواج مش اول دقه قلب ولا اعجاب ولا الحاجات دي بس اول انسان استقر عليه وفي النهايه باذن الله نتجوز ....لاني بعتبر اي حب تاني منتهاش بالجواز غالبا لعب عيال ولو مكنش لعب عيال فمش هوه نصي التاني الي مكتوب عند ربنا
تحياتي

Empress appy يقول...

اه فعلا هو الوحيد اللى الاتنين بيتفقوا عليه مرة واحده بس فى العمر لانهم باقى العمر مختلفين القلب والعقل يعنى

وميض ابتسامة يقول...

اتفق معك تماما فى كل المعايير الموضحة للحب الاول واهمهما على الاطلاق انه

اختيار القلب والعقل معا

ولابديل للحب الاول أو العاشر عن اجنماعهما معا ... وهو ده الحب الحقيقى


خالص تحياتى

Kiara يقول...

الحب الاول مش بيتنسي لانها اول مشاعر

او مره تفكر في انسان اول مره تحس بالشوق وانك مشتاق له ومشتاق لك

سهران ليه

قلقان عليكي وقلقانه عليه



الحب الاول فيه كتييييييييييييير

aya يقول...

appy
*********
سعيده بمرورك جدا
تحياتي

aya يقول...

وميض ايتسامه
**************
متهيألي لازم العقل والقلب يكونوا متفقين في كل حاجه مش في الحب بس

aya يقول...

مولان
**********
رأي انه اول انسان تكون متأكد بعقلك انك تقدر تتحمل تعيش معه

الرومـيصاء يقول...

اول زياره

اسمحيلى اقول كل الى نفسى فيه
ااااااااااه
الحب وعاميله
بصى ياستى الحب ده انواع كتير
مش نوع واحد زى ماحنا متخيلين
اسماهم حب الله ورسوله
وهذا النوع غير مقيد يعنى نحب الله ورسوله ونفضلهم على الاهل والمال والنفس وده اصل الحب
وبعدين تندرج انواع الحب الحلال تحت هذا الحب
من حب الاهل
وحب اصحابك فى الله
وهكذا
نيجى بقى للحب الى انتى تقصديه
نقول الاول
معلش هطول عليكى بس متقوليش عليه معقده
المهم
الحب ده الاول حلال ولا لا
ده اول سؤال لازم نسئله لنفسنا
الحب فى حد ذاته لايعاقب عليه الانسان
طبعااقصد حب الرجل للمرأه والعكس
لانه بيكون فى القلب والقلب ملك لله
لانملك منه شىء
طيب ايه الى هنتحاسب عليه
مايترتب على هذا الحب من كلمه ونظره وهمسه وما الى ذلك يعنى لو حبيتى وما تبعش هذا الحب اى نظر او كلام او خلوه او اى شىء مما حرم الله خلاص لايكلف الله نفس الا وسعها
وطبعا احنا لو بنغض البصر مش هنحب غير حب شرعه الله لان اول مدخل للقلب
هى العين
(انما الحب صفاء النفس من بغض وكرهى وافئده تهوى وتأبى هتك عرضى وجفون حذرات تلمح الحسن فتغضى انى اكره حبا يجعل الفسق شعاراا ويرى العفه عاراا اعلن الحرب على اهله ليلا ونهاراا)
اما اذا كان الحب ده فى الاطار الشرعى
كحب المرأه لزوجها
فهقولك ان اول حب ده صعب انه يتنسى
لانه بيكون اللقلب خالى من اى حب فيتمكن منه الحب الاول
لذالك قال الشاعر
اتانى هواك قبل ان اعرف الهوى فصادف قلبا خاليا فتمكنا
اسفه طولت عليكى
مدونتك جميله
بارك الله فيكى

تقبلى مرورى
ويارب مكنش تقلت عليكى

الاسطى يقول...
أزال المؤلف هذا التعليق.
الاسطى يقول...
أزال أحد مشرفي المدونة هذا التعليق.
نـــــور يقول...

ازيك
يبقى ممكن نقول الحب الاول هو كل اللى انتى قلتى عليه ونستبعد منه المراهقه
بس تفتكرى ممكن ندخل الحب من طرف واحد على انه حب اول؟
لانى مش عارفه
بس ايا كان
يخرب بيت الحب الاول على بيت سنينه :)

aya يقول...

الروميصاء
*************
حبيبي في الله
اولا انت لست معقده لانك ان كنت معقده فانا كذالك لان ماشرحتيه في تعليقك هو تقريبا الحدود والمعالم التي ارسمها لنفسي فيما يخص المدعو الحب انا هنا يا حبيبتي لم اتكلم عن الحدود الشرعيه له وان دققت في كلامي ستجدي ان الكلام الاخير لو طبقتيه لن ينطبق سوي علي زوج اسعدك الله ومن عليك بالحصول عليه
حبيبتي حقا جزاكي الله كل الخير لانك تحدثت هكذاوبدون اي تحفظات
وبعدين متقوليش علي نفسك معقده ابدااااااااااااااااااااااااا
اسعدتني جدا بزيارتك
واتمني ان لا تغيبي عني

aya يقول...

الاسطي
**********
طب ماهو ممكن يبادلك نفس المشاعر وفي الاخر العلاقه دي تفشل؟
انا بتكلم علي الحب الي هوه ربنا كاتب لاصحابه انهم يتزوجوا مش يعانو بحبهم ده
او اقصد بردوا اتنين ربنا كابتهم لبعض هوه ده الحب الاول لانهم بيكونوا واحد في النهايه
اما بالنسبه للحب من طرف واحد مع احترامي فده شخص بيعذب نفسه بوهم وبيفضل عايش فيه ومش بس كده يعني مش بمجرد انه عرف انه حب من طرف واحد مش يحاول يخرج نفسه لا ده بيعذب نفسه زياده
الانسان هوه الي مسئول علي انه يعذب نفسه او لا
تحياتي

aya يقول...

حبيبه
**********
يل بنتي الحب من طرف واحد ده مش حب اصلا
ده واحد بيعذب نفسهومعلش انا بعتربه جزء من المراهقه لان انتي لو عاقله وانا قلتلك مش عايزه اعرفك المفروض خلاص الديا خلصت بئامش تفضلي تعذبي نفسك عليه بئا ....بس
نورتي يا حبيبه
d: روحي زاكري

مـجـنـووون يقول...

الحب لأول هو الإنسان إلي مكنتش قادر تطلع منك كلمة بحبك علشان يسمعها

لأنها كلمة كبيرة ومش من السهل انها تطلع

تقبلي مروري
مجنووون

غير معرف يقول...

كده نسيتينى؟
انا والله مخنوقه وتعبانه
ادعيلى

Dr Gad يقول...

حقا صدقتي :)

واحده من اجمل التدوينات اللي قريتها في اخر 10 ايام

نـــــور يقول...

انتى ليه طولتى وغايبه عن مدونتك؟
اظهر وبان عليك الامان:)
بتوحشينى على فكره:(

حمامة يقول...

في بعض الاحيان قد يتخيل البعض بقصر تظره وسذاجه تفكيره انه قد وجد حبه الحقيقي


فعلاً .. حقيقى دخ بيحصل وده اكيد لقلة تجاربنا ومراهقتنا ولأن ف الوقت ده دايماً مبيبقاش حد جمبنا يوعينا
او احنا مبنبقاش عايزين نشوف غير اللى احنا عايزين نشوفه



**الحب الاول هو الشخص الوحيد الذي يجتمع القلب والعقل علي حبه في نفس الوقت**


صح جداً وبجد بجد عن تجربة

بوست اكتر اكتر من رائع
وانا كان نفسى اكتب حاجة عن الحب الأول بس انتى اوجزتى وانجزتى

لكِ تحياتي :)

كل سنة وانتى طيبة ..

zainab يقول...

الموضوع حلو قوى

..... يقول...

**الحب الاول هو الشخص الوحيد الذي يجتمع القلب والعقل علي حبه في نفس الوقت**
وكأنكِ بذلك تلغين كل حب قبل الحب الذي اجتمع عليه العقل والقلب
غاليتي
انني ارى الحب حباً مهما كان ترتيبه ومدته وحقيقته
لانه نبض القلب الأول ومالم يتعلم القلب ان ينبض كيف له ان يتعرف حبه الذي تجتمع عليه العقول والقلوب معاً..
تحياتي لقلمك القريب من القلب

Tamer Moghazy يقول...

الحب الاول هو اول اخفاق بتحس بيه في قلبك وبيتهيألك انه اخفاق شدييييد جدا وانك مش عارف ايه سببه.
الحب الاول هو اول لمسة نشعر بمعناها ونحسها

الحب الاول هو اول لخبطة في سيستم حياتك يخليك تعمل حاجات مكونتش تتوقعها وتاجل حاجات كنت فاكرها (اولويات)..!!

الحب الاول ممكن يكون بعد عشرين حالة حب...... ((وهمية))

الحب الاول هو .....
الحب الاول هو .......
الحب الاول هو ..
الحب الاول هو .........


الكلام اكبر من الكلمات
بس الحب الاول هو اجمل حب بيقابلنا في حياتنا ولو بعد سنين كتير..

Tamer Moghazy يقول...

أه....نسيت اقولك..
كل سنه وانت طيبة :)

غير معرف يقول...

شكرا على الأشياء الجيدة