الصراحه

الصراحه

التاج ده اهديتهولي المدونه

الرقيقه مي صاحبه مدونه قلب شبح

والصراحه ده اول تاج يوصلني ولذلك

متقلقوووووووووش خالص

نبتدي مع اول سؤال

لو اعطيتك 3 وردات من هم ال3 اشخاص الي هتديهم الورده؟

1-ماما وبابا هما الاتنين ورده واحده

2-اختي اسراء

3-صديقتي مني

لو اعطيتك ورقه فيها 3 سطور تكتب الي انت عايزه تكتب ايه؟

سؤال محير...امممممممم

1_رضيت بالله ربنا وبالاسلام دينا وبمحمد صلي الله عليه وسلم نبيا ورسولا

2-اللهم بارك لي في اخواتي واهديهم واصلح حالهم

3_نفسي اختم حفظ القران واطلع دكتوره شاطره اخدم المسلمين

ماهو هدفك في الحياه؟

والله لو علي الاهداف فهيه كتير اوي بس الي فيه نفس وطول بال يحقق

اوك

1-ارضي ربن وامي وابويا

2-اخلص الكليه التحفه بتاعتنا الي مش بتخلص واكون دكتوره كده مش حصلت

3-اتقن الفرنسيه والالمانيه وكام لغه تانيه اصلي بحب الغات اوي

ان شاء الله بكره هيكون احسن من النهارده؟هل تصدق هذه العباره؟

اه الحمد لله بصدقها لحاجات كتير اوي

ان الانسان اما بيظن في ربنا خير ربنا بيكون عند ظنه(انا عند ظن عبدي بي)

تاني حاجه ان الرسول قالنا في حديث(تفاءلوا بالخير تجدوه)

اجمل مقوله سمعتها في حياتك ايه؟

هما كذا حاجه الصراحه واغلبهم ايات قرانيه

*(ومن يتق الله يجعل له مخرجا ويرزقه من حيث لايحتسب ومن يتوكل علي الله فهو

حسبه ان الله بالغ امره قد جعل الله لكل شئ قدرا)

*(ان الله يرزق من يشاء بغير حساب)

*(وماكان ربك بظلام للعبيد)

من المغني الي بتحبيه اوي واحلي اغنيه ليه ايه؟

ولله الحمد مش بحب الاغاني بحب الاغاني الاسلاميه الرومانسيه بس يعني مش بحب مغنين ولله الحمد

وده بعد عناء بعد اما عرف الحديث بتاع(يحشر المرء مع من احب)

بس طبعا بحب الاغاني الاسلاميه وممكن نقول ان بقدر اغاني مصطفي محمود ويحي حوا وموسي مصطفي

غزه تمثل ايه في حياتك؟

مش عارفه ارد بس ممكن اقول بكلمه واحده بلد اخواتي واهلي والناس الي بدعي ربنا يحشرنا معاهم يوم القيامه

*علي فكره انا مصريه وبحب مصر طبعا مفيش كلام

اعطي لانتمائك لوطنك درجه بالمئه؟

100%طبعا بس انتمائي الاول اني مسلمه طبعا

لو تزوجتي وانجبتي بنتين وولدين اسمهم هيكون ايه؟

اممممممممم

الاول يارب اتجوز طبعا عشان اجيب بنت وولد بس نفترض انهم بنتين وولدين

*البنات:فريده و حبيبه

*الولدين:مصطفي وزياد

عمرك غشيتي في امتحان وانت صغيره؟

الصراحه لا ولا بغشش

لاني مش بحب حد ياخد مجهودي وبحس انه حران اني انجح او اجيب مجموع من تعب حد تاني فبفضل لو مش عارفه الاجابه والي حواليا بغششوا يانام يادعي ربنا يفكها من عنده

بس من غير غش اصل في مثل انجليزي (علي فكره مش عارفه الجنسيه)

easy come easy gooooooooo

وطبعا غير الحديث الشريف(من غشنا فليس منا)

طب وعلي ايه ياعم مش عايزه الاجابه

قول 3 صفات ب3 كلمات اوصف بيهم شخصيتي؟

مش المفرود اني اقول انا بس الي بحسه في نفسي

بتحمل .حنينه .بغير علي الي بحبه=غيوره

لو مرتبك كان كتير يكفي اجيب اغلي هديه اجيب لكل فرد في عيلتك ايه؟

1*امي لو اطول اديلها عيوني هيدهموها بس مؤقتا لاني محتاجه عنيا عشان الامتحانات فلو معايه فلوس هطلعا تحج هيه وابي واخواتي وانا طبعا

2*سوسو=اسراء اممممممممم دي احتار معاها شويه بس ممكن اجيبلها

اه افتكرت اسراء عايزه اما تخلص تعمل دكتوراه وتبقي عالمه ولذلم لو معايه فلوس همول العلم بتاها (مع اني مش عارفه هوه ايه)

3*لؤلؤ=اختي الصغنونه الاء حاليا هيه اخر حاجه بتحبها بعد البيتزا(طالعالي)القصص

البوليسيه ولذلك هشتريلها رجل المستحيل نفسه لو حبت

برده بكلمه واحده ايه الصفه الي عايزاها في شريك حياتي؟

معلش بئا السؤال ده مش هجاوبوا كلمه واحده انا علطول بدعي

(الهم ارزقني زوج صالحا يخشاك ويتقيك ويرعاني وفيه

جمال يوسف وقوه موسي وغني سليمان وهيبه ورحمه محمد

وصدق ابو بكر وعدل الفاروق وحياااااااااااااء عثمان وشعر حسان ابن ثابت)

واي صفه تانيه في الدنيا حلوه

*(ملحوظه متخيله انكو بتقولو في سركوا دي مش هتتجوز ابدا والله انا بقول كده بردوا

بس ربنا قادر علي كل شئ)

بس لو بكلمه واحده ممكن اقول

*يتقي الله فيا*

ايه المجال الي غير دراستك وشايفه نفسي فيه اوي حتي لو كان الرسم علي الحيطه؟

هوه انا لسه مش وصلت لمرحله الرسم علي الحيطه لسه برسم علي الورق

بس انا نفسي اوي اكون في مجالfashion designing

and MAKE UP artist

جدااااااااااااااااااااا

بس مش عايزه اعمل فساتين البنات يلبسوها واخد عليهم سيئات ولذلك انا هعمل لنفسي

واولا واخيرا انا بعشق الطب

بتحب السفر؟

جدااااااااااااااااااااااااااااااااا

طب دلوقتي حالا ايه المكان الي نفسك تكون فيه ؟

الحرم بصلي التهجد بما ان الساعه 3

بس لو معرفتش اكون هناك احب انام في حضن مامتي

اخر سؤال ده الصراحه جامد جدا؟بس صعب جدا؟

اذكر 10 اشياء عن نفسك؟؟؟؟؟؟

1*طيبه جدا

2*حنينه اوي

3*رومانسيه شويه

4*بستحمل كتييير

5*عندي شويه حب تملك

6*غيوره

7*حساسه جدا بس مش بحب ابين للناس

8*بحب الضحك والهزار والعياط موت ومحدش يسال ليه

9*بحب اخواتي وبالذات اختي الي بعديا علي طول عشان هيه تقريبا اقرب اصدقائي

(قولو ماشاء الله)

10*اخر حااااااااااااااااااااجه

ان ان ان ان ان .............

مش عارفه ممكن اسيب اخر حاجه دي ليكوا الي يعرفني والي مش يعرفني يقول رايه

او هوه او هيه حست انا عامله ازاي

من كلامي يمكن اكتشف حاجه فيا انا مش عارفاها

اختار اشخاص اهدي لهم التاج؟

انا مش فاهمه ايه الفرق بين ده والي فوق

بس ممكن اقول كل الناس الي انا بحبها والي مدوناتها عجبتني وعلقت عندهم برأي

ازغرط يااخوااااااااااااااااتي

مش عارفه ايه التعليقات ربنا يسسسسسسسسسسسسسسسسسسسسستر

يارب تكونوا فهمتوا حاجه مني او فيا