انا عارفه بقالي كتير اوي مكتبتش في بلوجي حبيبي رغم اني نفسي اكتب اوي مش عارفه انا الاول كنت بكتب كده اي حاجه بفكر فيها بس معرفش ليه بعد كده بقيت لازم اكتب بالورقه والقلم والنظام الي يخنق ده وده الي خلاني بفكر في الي هكتبه سبعتلاف مليون وخمسيه وعشرين الف مره قبل ما اكتبه مش عارفه ليه؟؟؟؟
بس خلاص مش ناويه اعمل كده ............
رغم اني عارفه ان حاله الكتابه دي بترجع بس وبالحاح شديد ايام الامتحانات والمزاكره المتاخره ....عافينا يارب
انا هلحق انزل الكلمتين دول كده من غير صور احسن لو استنيت خمس دقايق كمان همسحهم :d
هناك 5 تعليقات:
اللى بيحصل لك ده بيحصل لنا كلنا ..وعلى فكرة انا مبحبش اكتب وانا مش عايز اكتب ..لانى بحس بمعاناة شديدة ..ولو عايز اكتب برضه ببقى مش عارف الكلام بينزل على منين..
عموما انا بتمنى لك النجاح الباهر ان شاء الله
تحياتى
ازيك
ماتخافيش عليا
المهم ترجعى تكتبى تانى
ايوة انا اللى انتى بتحبيها
بس خبينى :)
ارجعى اكتبى تانى
علشان اللى بيحبوكى
ها ...عرفتينى؟
وميض ابتسامه
شكرا لزيارتك بس ليه الغيبه
الفتره الي فاتت مكنتش عايزه اكتب نهائي ويمكن لحد دلوقتي كتبت حاجات كتيره علي الورق بس حسيت اني عايزاها ليا انا ومش عايزه حد يقراها معرفش ليه
بالرغم من كده زعلانه اني اهملت بلوجي حبيبي بس اعمل ايه
شكرا لزيارتك
* غريبه *
حبيبتي لا يعرف الاحباب فقط بالاسماء والاشكال لكن غالبا ما يعرفون بالاحساس
اكيد عرفتك :)
بس بردوا قلقانه عليكي :(
مااعتقدش ان ممكن اتخلى عن المكان اللى حطيتينى فيه
لانى ببساطه حاباه اوى فوق ماتتصورى
انا اللى طايره من الفرح انك احساسك جابنى
والله بحبك اوى
ماتقلقيش عليا اصل كل يوم فى حال بس دلوقت البلوج عملتلى احساس كويس
ادعيلى بقى
وطمنينى عليكى يااختى الصغنطوطه :)
إرسال تعليق